Nojoto: Largest Storytelling Platform
Download Nojoto

Install App Get upto ₹ 100 Cash

archanapol5687
  • 23Stories
  • 4Followers
  • 170Love
    548Views

Archana Pol

  • Popular
  • Latest
  • Video
430afd1b53c1ba4ac5fa7ae97c0c4d71

Archana Pol

भेटीसाठी डोळी | ओथंबले घन | मनात श्रावण | पेरलेला ||१|| आतुरले मन | पाहताना वाट | भिजलेला काठ | मनाचा रे ||२|| श्वासांचा आवेग | उसासला जीव | लागे ना रे ठाव | काळजाचा ||३|| बरसल्या धारा | गंधाळली माती | शहारली पाती | चिंब ओली ||४|| गंधाळ गंधाळ | माळरान सारे | मखमली वारे | भोवताली ||५|| तरारली राने | चिंब ओली मने | रुजलेले गाणे | रानी वनी ||६|| अंकुरला कोंब | धरित्रीच्या पोटी | मोहरली सृष्टी | आनंदाने ||७|| पालव स्पर्शाने | आनंदी अंगण | नभाचे हे ऋण | कसे फेडू? ||८|| ©Archana Pol #ऋण

#ऋण #मराठीकविता

12 Love

430afd1b53c1ba4ac5fa7ae97c0c4d71

Archana Pol

उगा शब्दांना घोळवू नकोस चॉकलेटमध्ये तुझ्या प्रेमाचा गोडवा जपलाय मी ह्रदयात.. अर्चू.. ©Archana Pol #Happychocolateday

#Happychocolateday #मराठीप्रेम

180 Views

430afd1b53c1ba4ac5fa7ae97c0c4d71

Archana Pol

' आई' नावाचा चार्जर.. काही व्यक्ती आपल्यासाठी चार्जरसारख्या असतात.. जेव्हा बॅटरी डाऊन होते. मनामध्ये काहीतरी बिघाड झालाय हे जाणवतं.. आतून तुटून पडल्यासारखं वाटतं.‌. आभाळात झेप घ्यायचीय पण उमेद खचलीय हे जाणवतं.. निगेटिव्हिटीचा व्हायरस वाऱ्यासारखा उधळत असतो.. अनावश्यक ऍप्सचा भरणा झालाय आणि आता सगळं काही हॅंग होणार असं वाटतं.. तेव्हा तेव्हा.. हा चार्जर अगदी विश्वासानं धावत येतो.. अगदी न बोलवता.. याला नेटपॅकची गरज ना इलेक्ट्रिसिटीची.. या चार्जरची स्वतःचीच पॉवर कॅपॅसिटी प्रचंड आहे.. अगदी हार्ट टू हार्ट कनेक्ट होतो.. सगळ्या निगेटिव्हिटीचा व्हायरस निघून जातो आणि मनाचा फोन अगदी क्लीन होतो.. सगळे कॉन्टॅक्ट क्लिअर होतात, जे नको ते डिलीट होतं.. आपल्याला हवी ती पिक्चर्स पुन्हा एकदा स्वच्छ दिसायला लागतात.. आणि बॅटरी फुल्लचा मेसेज चेहऱ्यावर झळकू लागतो. क्यु आर स्कॅन करुन हल्ली सगळं ऑनलाईन मिळतं.. पण स्कॅन करुन आई नाही मिळत.! बाकी सगळं ऑनलाईन मिळेल पण ती आणि तीचं प्रेम ऑनलाईन नाही मिळणार.. ज्याच्याजवळ हा चार्जर आहे त्यांनी जीवापाड सांभाळा हं हा चार्जर.. एकदा हरवला ना.. की करोडो देऊनही नाही मिळणार परत.. तुमच्याकडे आहे का असा लाईफटाईम चार्जर?? ©Archana Pol चार्जर

चार्जर #जीवनअनुभव

126 Views

430afd1b53c1ba4ac5fa7ae97c0c4d71

Archana Pol

आतुरल्या रानवाटा आतुरली रानफुले आभाळाच्या अंगणात ढग खेळतील झुले झिम्मा फुगडी वीजांची वारा घालेल धिंगाणा गोल गिरक्या धुळीच्या नभी पाचोळा भणाणा झाडामाडांच्या झावळ्या विस्कटेल सारं काही सर झिम्मड येईल तलखीची त्राही त्राही गाणे सान थेंबुल्यांचे सर नर्तन करेल गंध भरल्या मातीत बीज कोवळे रुजेल. चिंब सरींचा वर्षाव धरा धुंद मोहरेल कणाकणात सृष्टीच्या रंग प्रीतीचा खुलेल. रुजवेल नवे काही दिशादिशांत मोकळ्या उगवेल कविताही मना मनात कोवळ्या.. ©Archana Pol आतुरल्या रानवाटा

आतुरल्या रानवाटा

66 Views

430afd1b53c1ba4ac5fa7ae97c0c4d71

Archana Pol

चालत आहे आयुष्याच्या सोबत सोबत.. हिशोब चुकला कसा कधी पण कळले नाही.. ©Archana Pol हिशोब #sadquotes

हिशोब #sadquotes #मराठीशायरी

15 Love

430afd1b53c1ba4ac5fa7ae97c0c4d71

Archana Pol

आयुष्याने कधी रांगडे कधी मखमली व्हावे.. चाखत गोडी संसाराची स्वप्नांसोबत गावे.. विभ्रम थोडे थोडी गंमत थोडी छेडाछेडी प्रेमालाही रंगत येते सोबत असता खोडी.. नको सारखी गुळमट गोडी हवाच थोडा झटका रंगत येते संसाराला उडता थोडा खटका रंग बिलोरी आयुष्याचे समजून घ्यावे थोडे. भाव मनीचे जाणुन घ्यावे सुटेल अवघड कोडे. संसाराचे रूप खुलवते विरह भावना थोडी. लुटूपुटीचे हवेच भांडण लटकी लाडीगोडी. झणझणीत कधी, कधी गोड तर कधी लागते स्टार्टर.. मिळमिळीतशा जगण्यालाही हवी वाटते क्वॉर्टर.. लुटूपुटीच्या संसाराला हवी माणसे थोडी.. थोडी नटखट, चविष्ट आंबट, थोडी साखर गोडी. खट्याळ काही, अतरंगी अन् काही कडवट थोडी गहिवरल्या डोळ्यात पाझरे चांदणमाया वेडी. आयुष्याच्या वाटेवरती सुख दुःखाची सोबत. आपुलकीच्या नात्यांसोबत आयुष्याला रंगत. सखेसोबती, सगेसोयरे हळव्या गाठी भेटी. आनंदाने ओंजळ भरती काळजातली नाती. ©Archana Pol काळजातली नाती #HEARTSBOKEH

काळजातली नाती #HEARTSBOKEH #मराठीकविता

16 Love

430afd1b53c1ba4ac5fa7ae97c0c4d71

Archana Pol

रंग सारे फिकूटले.. लोपल्या साऱ्या खूणा.. शोधते मी अंतरी.. गोठलेल्या भावना.. अर्चू.. ©Archana Pol #वेदना

#वेदना #मराठीकविता

8 Love

430afd1b53c1ba4ac5fa7ae97c0c4d71

Archana Pol

शोधत फिरते आनंदाची ओंजळ इवली दु:ख पावलांसोबत माझ्या रांगत येते. मी आताशा पडते उठते सावरतेही.. मनात कातर भिती अनामिक दाटुन येते. जीवन म्हणजे अवघड कोडे असे वाटते, नजरेमध्ये स्वप्न कोवळे तरी भेटते. जुन्या स्मृतींच्या जखमा नाही कुरवाळत मी, रोज नव्याने नवीन वाटा शोधत जाते. कधी गवसतो आनंदाचा सूर अचानक, कधी आडवे दु:ख अचानक गाठुन येते. तरारलेली कळी कोवळी खुडली जाते जीवन म्हणजे खेळ घडीचा शिकवुन जाते. ©Archana Pol ओंजळ

ओंजळ #मराठीकविता

5 Love

430afd1b53c1ba4ac5fa7ae97c0c4d71

Archana Pol

भाळावरुनी मेघ सावळा, कृष्णनभाच्या आला. क्षण भेटूनी मनास माझ्या, मृदगंधाचा गेला. तरारलेला थेंब टपोरा, विसावलेला भाळी, स्पर्शासाठी आतुरलेली, अधीर धरणी काळी. प्रणय सुखाच्या आठवणींनी, रोमांचित तन ओले. स्पर्श लाजरा मनात दाटे, अधर गुलाबी झाले. मेघ सावळे उतरुन रानी, सुगंध पसरत गेले. धुंद मोहरुन आली काया, भिजले तनमन ओले. अवघ्या देही रुतली माया, कृतार्थ जीवन झाले. गर्भातुन कोवळे धरेच्या, कोंब तरारुन आले. ©Archana Pol मेघ सावळा

मेघ सावळा #मराठीकविता

9 Love

430afd1b53c1ba4ac5fa7ae97c0c4d71

Archana Pol

राखेतून भरारी घेण्याची जिद्द असावी पंखात.. पेटून पुन्हा उठण्याची.. रग असावी रक्तात.. उठेन मी, लढेन मी.. जरी कोसळले प्रपात.. पळेन मी, शोधेन मी.. हरवलेली माझी वाट.. अवघड जरी आहे घाट.. अथक असतील माझे प्रयास.. मावळतीच्या सुर्यासाठी.. होईन मी चांदणवाट.. ©Archana Pol चांदणवाट #Starss

चांदणवाट #Starss #मराठीकविता

0 Love

loader
Home
Explore
Events
Notification
Profile