Find the Latest Status about kavita telugu from top creators only on Nojoto App. Also find trending photos & videos.
gopi kiran
నీకేం నువ్వు తారలా ప్రకాశిస్తుంటావు ఎక్కడో సుదూరంగా నిన్ను చూడడమే తప్ప దగ్గరగా నీ కాంతిని హృదయమంత నింపుకోవడానికి ఎన్ని వేల కాంతి సంవత్సరాలు పడుతుందో అని భయం నిత్యం నా ఎదురుగానే ఉంటావు ప్రతి రోజు పలకరిస్తూనే ఉంటావు నిను చూసుకుని మురిసిపోయే మనసు మౌనంగా నాక్కూడా తెలియకుండా వేల భావాలను పేర్చుకుని కొత్త కొత్త కథనాలు అల్లుకుంటుంది నీ పలకరింపుకే పులకరించే పద్ధతి అలవాటు చేసుకుంది హృదయం నీ అక్షరాల్లోంచి వచ్చే సౌరభం నా శ్వాశకు ఊపిరి పోస్తుంది నా జీవితంలో వెలుగు కోసం వెలుతురున్నంతసేపు చీకటి పడాలని కోరుకుంటున్నాను అప్పుడేగా ఆకాశం నిన్ను నాకు ప్రదర్శించేది అప్పుడేగా చుక్కల్లే నువ్వు సాక్షాత్కరించేది ©gopi kiran #Poetry #Telugu #kavita #telugupoetry
Poetry #Telugu #kavita #telugupoetry
read moregopi kiran
ఏ చిరునవ్వులు మందవుతాయో చెలరేగే గాయాలకు ఏ స్పర్శలు సరిచేస్తాయో చెదిరిపోతున్న గమ్యాలను తుంచుకుని వెళ్లిపోవడంఅంటే అంత సులువేమీ కాదు అదో అతి పెద్ద ప్రక్రియ అంటుకట్టిన హృదయాలను అతినెమ్మదిగా వేరు చేయాలి వేల వేల శస్త్రచికిత్సలు చేసి పెనవేసుకున్న భావాలను అతి ఓపిగ్గా విడదీయాలి కోట్ల కోట్ల క్షణాలను ఖర్చుపెట్టి అయినా వదిలించుకుందామంటే వదిలేదు కాదు బంధం అవశేషాలు అడ్డుపడుతూనే ఉంటాయి అడుగడుగునా నీడలు వెంటాడుతూనే ఉంటాయి అనునిత్యం పక్కింట్లో పూచినా పువ్వుల్లోనో ఎదురుపడిన బాబు నవ్వుల్లోనో పంచుకున్న శీతాకాలపు సాయంత్రపు ఛాయల్లోనో పెంచిపోషించుకున్న కలల్లోని కలవరింతల్లోనో విశేషంగా నిలబడే ఉంటాయి బంధాలు అనుక్షణం అడ్డుతగులుతుంటాయి అతిసమీపంగా సంచరిస్తుంటాయి అందుకే అందుకే అనుబంధాలకు అంతం లేదు వాటి భాగం ఎప్పుడూ సున్నాలాంటి శేషం కాదు పుటుక్కున తెంపేయగానే తెగిపోతే అవి బంధాలెందుకు అవుతాయి మనుష్యులంతా మన ఆత్మబంధువులెందుకవుతారు ©gopi kiran #Poetry #kavita #Telugu #SAD #motivate
amaterasu
కనులుండి ఏం లాభం వెలుతురు లేనప్పుడు కరములుండి ఏం లాభం కార్యం లేనప్పుడు కాళ్ళుండి ఏం లాభం చలనం లేనప్పుడు చెవులుండి ఏం లాభం శబ్దం లేనప్పుడు వెన్నెలుండి ఏం లాభం చీకటి లేనప్పుడు నింగియుండి ఏం లాభం మేఘం లేనప్పుడు భాషయుండి ఏం లాభం భావం లేనప్పుడు గాత్రముండి ఏం లాభం స్వరములు లేనప్పుడు పరుగులెట్టి ఏం లాభము గమ్యం లేనప్పుడు బలముండి ఏం లాభం ధైర్యం లేనప్పుడు గెలుపొందీ ఏం లాభం పోటీ లేనప్పుడు కష్టించి ఏం లాభం సంతోషం లేనప్పుడు #telugu #telugupoem #kavita #teluguvelugu #yqkavi #Amaterasutelugu
amaterasu
వెలుతురికై వెతుకులాట చీకటిలో చేస్తావా? నీ ఆశయమేమిటంటూ పరులనడిగి చూస్తావా? పక్షిలాగ ఎగరాలని ఏనుగు కృషిచేస్తుందా? పరుల ఆశయాలతో నీ మది సంతోషిస్తుందా? (పరుల) బానిసవై బతుకుతావ? సంకెళ్ళను తెంచుకోవా? ఒక్కడైనా తోడులేడని నీ దారిని వదిలేస్తావా? లక్షమంది వెల్తుంటే లక్ష్యాన్నే మార్చేస్తావా? కోటి మంది కలిసి చెప్తే అబద్దం రుచిస్తుందా? ఏవొక్కడు పలుకకున్నా నిజం నిలువకుంటుందా? (భయానికి) బానిసవై బతుకుతావ? సంకెళ్ళను తెంచుకోవా? దేనికోసమింత పరుగని ఒక్కసారి మనసునడుగు దాగి ఉన్న కలలెన్నో! మరిచిపోయినవికెన్నో?! కలలనన్ని కరుగబెట్టి సాగరాన్ని చేస్తావా? ఆ సంద్రంలో చస్తావా? (కాలపు) బానిసవై బతుకుతావ? సంకెళ్ళను తెంచుకోవా? #telugu #telugupoem #kavita #teluguvelugu #yqkavi #Amaterasutelugu
amaterasu
మౌనం చెప్పే ఊసులు ఎన్నో వినివొచ్చావా మది లోగిళ్ళో.. నిదురకు తెలియని కలలెన్నెన్నో కలిసొచ్చావా చిరు ఆశలలో.. సంద్రం ఎరుగని అలజడులెన్నొ గమనించావా ఎద లోతులలో.. గమ్యం చూపే దూరాలెన్నో గాలించావా విజయపు వొడిలో.. గాయం చెప్పే కబురులు ఎన్నో గుర్తించావా గుణపాఠాలను... కాలం ఎరుగని క్షణములు ఎన్నో గడిపొచ్చావ చిరు ప్రాయంలో.. భాషకు అందని భావాలెన్నో పొందొచ్చావా ఆప్తుల ప్రేమలో.. చీకటి ఒలికే అందాలెన్నో చూసొచ్చావా సిరివెన్నెలలో.. #telugu #kavita #telugupoetry #teluguvelugu #yqkavi #Amaterasutelugu
amaterasu
ఆకాశం ఉరుముతు ఉంటే మేఘాలేమో అనుకున్న ఆనందం ఎల్లలు దాటి బయటకు వచ్చి కూర్చున్న ఆలోచనలెన్నో కలసి నామది తలుపులు తడుతున్నా ఆమేఘపుటంచునుదాటి జారే చినుకుకై చూస్తున్నా చూపులతో నిలిచెను కాలం, తలపులతో నిండెను మౌనం, కనులెదుట మిగిలెను శూన్యం, మనసెళ్ళెను ఎటో పయనం. చిరుగాలి చెప్పిన ఊసులు, సిరిమల్లెలై పూసిన నవ్వులు, ఆవెచ్చటి సూర్యుని కాంతులు, మంచు ముత్యాలను మోసెను ఆకులు. అలలన్నీ పోటీ పడుతూ తీరంలో కేరింతలుకొట్టగా, అది చూస్తూ అచ్చలపతులన్నీ అచ్చోటనే కూర్చునిపోగా, ఇకలెమ్మని కెరటాలెన్నో ఆ కొండలను తడుపుతూ పోయెను. నా కలలకు కళ్ళెం వేస్తూ, నా తలపుల తలుపులు మూస్తూ, జడి వాన తడిపేనమ్మ, ఇక రమ్మని పిలిచే అమ్మ. ఆకాశం ఉరుముతు ఉంటే మేఘాలేమో అనుకున్న ఆనందం ఎల్లలు దాటి బయటకు వచ్చి కూర్చున్న ఆలోచనలెన్నో కలసి నామది తలుపులు తడుతున్నా ఆమేఘపుటంచునుదాటి జారే చినుకుకై చూస్తున్నా #telugu #telugupoem #kavita #teluguvelugu #yqkavi #Amaterasutelugu
Karthik Katkojwala
నీ దెగ్గర దైర్యం లేనపుడు నా దెగ్గర నమ్మకం ఉండి ఏంలాభం #telugu #thoughts #collab #kavita #telugukavi #prema
#Telugu thoughts #Collab #kavita #telugukavi #prema
read moreamaterasu
కనుల ఎదుట నీ రూపం చెదరగ, కనుల లోపలొక సంద్రం కదలగ, కనుల రెప్పలను కట్టను కోయగా, కనుల సాక్షిగా కదిలిన కాలపు కడలి సవ్వడై నా చెవిన చేరగా, వినిపించిన నీ రాగం మడుగున కనిపించే నీ హృదయము చూస్తూ చెదిరిన నీ రూపం మరచి స్మ్రుతి కొచిన్న నీ గ్నప్తుల తలువగా సంద్రపు ఉధ్ధతి ఎక్కువ కాగ, రెప్పలు తెరచి లోకము చూడగ, భాష్పము రాలగ చెక్కిలి మీదుగా ఆనందము పొంగెను నా యదలోనా #telugu #telugupoetry #telugupoem #kavita #teluguvelugu #yqkavi #Amaterasutelugu
amaterasu
ఆలోచనలవధులుదాటి ఆనందాల దరి చేరగ ఆ మేఘపుటంచున దాగిన చిరు నవ్వుల సిరివెన్నెలవా.. నీ వెలుగుల సొగసులు తాకగ వికసించిన కమలము నేనే.. జన్మించిన నిమిషము నుండి నీజాడకై చూస్తున్నానే... ఊపిరి పోసి ఎటుపోయావే ఊసులు కూడ వినపడవాయే ఊహలకందని జగమో ఏమొ నిజమో కలయో తెలియని మాయో #telugu #telugupoetry #telugupoem #kavita #teluguvelugu #yqkavi #Amaterasutelugu
amaterasu
ఉట్టి నుండి ఊరగాయ గట్టు మీద దింపి పెట్టి ఎర్రాని ఆవకాయ అరచేతితొ తీసిబట్టి చల్ల కుండ -- చల్లగుండ చల్దన్నం గిన్నెనెట్టి ఉప్పేసి వామేసి అరచేతడు నూనేసి రసాలూరు మామిడిని ఎడమచేతను పట్టి కలిపేసిక తింటుంటే -- అమృతము తూగుతుందా? కలిపి అమ్మ పెడుతుంటే -- ఆ కమ్మదనం దొరుకుతుందా? #telugu #telugupoetry #telugupoem #kavita #teluguvelugu #yqkavi #Amaterasutelugu