Find the Latest Status about सासरी चालली मुलगी from top creators only on Nojoto App. Also find trending photos & videos about, सासरी चालली मुलगी.
Shankar kamble
ओळखीच्या खुणां साऱ्या आज परक्या वाटल्या ओल सरतां मायेची भेगां मनांत दाटल्या।१। घालमेल उंबऱ्याची जीव झाला कासावीस सोसवेना होरपळ डोळां चातकाची आस।२। शीळ पाखरांची कानी श्रावणातला हिंदोळा घुटमळ पानोपानी गंध दरवळ वेल्हाळा।३। सये तुटलं माहेर लेकपणाला पारखी माझं फाटलं आभाळ ऊन-सावली सारखी।४। कसा आवरू हुंदका किती निरपावं पाणी कोंब खुडता उमाळा भळभळ दाटे मनी।५। नको कोरडा दिखावा वरवरचं बोलणं अंग पोळलं उन्हांत आता कुठलं शिंपण?।६। ©Shankar kamble #माहेर #माहेर_सासर #लेक #मुलगी #सासरी #झोका #आठवण #Childhood
Shubhada
सूर जुळतात गाठी बांधल्या जातात मंडप हसत असतो काहीतरी मात्र धुमसत असतं आतल्या आत विस्कटत असतं चुडा किंचित थरथरत असतो क्षणांच हळवं शहाणपण जपतो जुनं जपणारी आणि नवीन जोडणारी नात्याची खूणगाठ हिच असावी किती काही चालावं आतल्या आत जबाबदारी सांगणारी निर्मळ वाट नकळत पाणावणारी डोळ्यांची पात शुभदा सासरी जाताना
शब्दवेडा किशोर
#मुलगी खरंच देवा..एक तरी मुलगी प्रत्येकाच्या पोटी जन्मा यावी तिला रोज नव्यानं उमलताना बघावी नाजूक नखरे करताना तिला न्याहाळायला मिळावी साजिरी गोजिरी लाजरी परी ती दिसावी नाना मागण्या तिच्या पुरवताना तारांबळ मात्र आपली उडावी खरंच देवा..एक तरी मुलगी प्रत्येकाच्या पोटी जन्मा यावी...... कधीकधी मैचींग करताना नटताना तिला आपण बघावी नटता नटता सगळ्यांना तिने नात्यातली गंमत शिकवावी आपण कधी कुठल्या गोष्टीत अडखळुन जाऊ जेव्हा जवळ येऊन तेव्हा ती अलगद बसावी अन् मनातली गुपितं तिने हळूच माझ्या कानात सांगावी गालातल्या गालात मग ती छानशी हसावी कधीतरी भावनेच्या भरात गळ्यात मिठी मारावी खरंच देवा..अशी एक तरी मुलगी प्रत्येकाच्या पोटी जन्मा यावी.. @शब्दवेडा किशोर ©शब्दवेडा किशोर #मुलगी
स्वच्छंदी
ज्याला हवी तयाला नाही मिळत गड्यांनो मुलगी 'नशीब' असते...नशिबामुळेच मिळते - स्वच्छंदी #मुलगी
pooja d
खरंय, मुलगी कधीच मुलगा होऊ शकत नाही तुम्हीही तिच्यावर मुलासारखं प्रेम करू शकत नाही #मुलगी #राणू
Mahesh Desale
*माझी मुलगी* नसे नसावे काही क्षणभर ही पण तुझा दूरावा नसावा.. माझी हसरी खेळती मुलगी तुझा प्रेमझरा हृदयाशी असावा तू अडीच वर्षांची सोन सोनुली तुझा लाडी गोडीचा खेळ असावा बोबड ही बोलत असेल पोरी तुझा पापा म्हणणारा बोल असावा तू कधी आई होते माझी.. कधी शिकवत असते नविन कावा तुझा खेळ आनंदी आनंद ग.. माझ्या हरलेल्या डावाला रंग नवा कुशीत शिरुन रंगत चढते.. अन् गिरवत असते स्वर्ग भाव माझी मुलगी माझे जीवन रे.. देवा तिला कायम सुखात ठेव - महेश 8806646250 11:23pm. @. 09.02.22 ©Mahesh Desale #माझी मुलगी